Fiskiveiðieftirlitið ger yvirlit yvir veiðihagtøl. Hesi eru tøk á heimasíðuni.

Øll hagtøl á heimasíðuni eru ikki heilt dagførd.

Gjørligt er at fáa yvirlit yvir:

• Brúktar fiskidagar hjá fiskiførum, ið eru undir fiskidagaskipanini.
• Veiddar nøgdir av botnfiski, ið veiddar eru við Ísland.
• Veiddar nøgdir av botnfiski, ið eru veiddar í føroyskum sjógvi.
• Veiddar nøgdir á fjarleiðum, herundir eisini rækjur og uppisjóvarfiskur.

Yvirlit yvir fiskidagar er tengt at fiskidagaárinum, ið gongur frá 1. september, til 31. august árið eftir. Uppgerðin yvir brúktar fiskidagar, verður dagførd hvønn dag.

Yvirlit yvir veiddar nøgdir kann takast út eftir egnum ynski. Tá talan er um avreiddar nøgdir, kunnu ganga nakrir dagar millum dagføringarnar. Hetta kemst av, at avreiðingarseðlarnir ikki altíð eru tøkir beint eftir avreiðing.